জীয়া শিল খুউব কঠিন
সহজতে নহয় ক্ষত বিক্ষত
বচন আছে 'ঘহিলে শিলো ক্ষয় যায়'
সেয়ে
এদিন চুই চালো মসৃণ আঙুলিৰ সিৰা গচকি
জাগি উঠিল শিল
মূৰ্তমান কঠিন বহিঃ প্ৰকাশ ৷
একো নকলো
প্ৰত্যক্ষ কৰিলো শিলুৱা বকুৰ মাটি
গঢ়িলো
বকুৰ উমেৰে গঢ়া কোমল হাতুৰী
টোকৰ দিলো
সলনি হ'ল ৰূঢ় দৃষ্টি আৰু অন্তঃ হৃদয়
কোমল হ'ল কঠিন আৱৰণ ৷
অনুধাৱন কৰিলো,
বুজি পালো
শিলৰো আছে এখন প্ৰকৃত হৃদয়
যি হৃদয় দৃষ্টিগোচৰ নহয়
মাথো প্ৰত্যক্ষ কৰো বাহ্যিক নিৰ্দয় ৷
