সাগৰতকৈ নদীয়েই ভাল
শিলে শিলে বৈ যায় আৱেগৰ হেঙুল হাইতাল ৷
(২)
ফুলি থকা ফুলতকৈ সৰাপাতেই ভাল
নাভাঙে ডাল, নিছিগে ছাল ৷
(৩)
বৰ্তমানতকৈ অতীতেই ভাল
নাই মায়াৰ জাল, নহয় জঞ্জাল ৷
(৪)
ৰঙীণ পখিলাতকৈ জিঞাবোৰেই ভাল
জাকি মাৰি ভৰি পৰে আবেলিৰ চোতাল ৷
(৫)
মিছা অপবাদতকৈ অপ্ৰিয় সত্যই ভাল
লাজত ৰঙা পৰা দুগাল, কফিনৰ অন্তিম গজাল ৷
(৬)
দুখৰ গভীৰতাতকৈ সাগৰৰ গভীৰতাই ভাল
মাজ নিশাও সৰে চকুলোৰ টুপাল,
জীৱন হয় কংকাল ৷
(৭)
বাস্তৱকৈ সপোনেই ভাল
হেৰুৱাৰ বেদনা নহয় কাল ৷
ঠিকনাঃ দোৰপাং
